Refluksi Gastro Ezofageal (GERD)

Kthimi (refluksi) i sekrecioneve të stomakut, sekrecione të cilat janë acide, ndodh:

• Kur ka një prishje të një ose disa elementëve që pengojnë refluksin (mekanizmin antirefluks)
• Nga një dobësim i mekanizmave të pastrimit dhe neutralizimit të përmbajtjes së stomakut që kthehet në ezofag.

Shenjat kryesore të GERD janë:

• Urthi.
• Regurgitimi (rikthimi i lëngjeve dhe/ose ushqimeve në gojë).
• Disfagia (vështirësia në kalimin e ushqimeve).
• Odynofagia (dhimbja gjatë kalimit të ushqimit në stomak).
• Ndjesia e pështymës si shkumë në gojë.
• Lëngëzim i shtuar, i thartë dhe/ose i kripur në gojë.
• Kolla kronike.
• Asthma.
• Erozionet (gërvishtjet ose gërryerjet) e dhëmbëve.
• Sëmundjet obstruktive (bllokuese) të mushkërive.
• Ngjirja e zërit.
• Ndjesia e një lëmshi në fyt.
• Ndjenja e sekrecioneve në fyt që thithen nga hunda.
• Sinusiti.
• Otiti i mesëm (sëmundja e veshit të mesëm).
• Pneumonitë e përsëritura dhe kanceri i laringut.

GERD mund të ketë dhe komplikacione të tjera:

• Ngushtimi i ezofagut.
• Transformini i indit të riparuar në mukozë gastrike (Ezofag i Barrett), i cili ka një përqindje të malinjizimit pra të kancerizimit.
• Transformimi në kancer.
• Sëmundje si asthma, laringiti dhe kolla.

Diagnoza:

• Përpara se të vendoset një diagnozë e saktë për GERD duhet të përjashtohen sëmundje të tjera me simptoma të ngjashme:
  • Sëmundjet e Zemrës.
  • Sëmundjet e rrugëve të Tëmthit.
  • Sëmundjen Ulçeroze.
  • Sëmundjet e tjera të Ezofagut.
• Vizitë Gastro-Hepatologjike.
• Gastroskopi (Në disa raste me Biopsi).
• Analiza Laboratorike në gjak:
  • Gjak Komplet.
  • Funksioni hepatik (i mëlçisë): Bilirubinë Direkte, Bilirubinë Totale, SGOT, SGPT, ALP, PCR, LDH, GGT, Fibrinogjen, Albuminemi.
  • Funksioni renal (i veshkës): Azotemi, Kreatinemi.
  • Glicemi.
  • INR.
  • Lipidograma: HDL, LDL, Triglicerid, Kolesterol Total.
  • Hekuri në gjak: Sideremi, Ferritinemi.
  • Markerat tumoral: AFP, CEA, Ca 19-9.
• Analiza Laboratorike në feçe:
  • Antigeni Fekal për Helikobakter Pilori.
• Ekografi Abdominale.
• Monitorimi i pH të Ezofagut (matja e pH në nivele të ndryshme të ezofagut).

Trajtimi:

• Terapia medikamentoze, kohëzgjatja e të cilave kushtëzohet nga grada e dëmtimeve ezofageale.
• Rregullimi i dietës ushqimore dhe mënyrës së jetesës.
• Rënia në peshë tek ata që janë mbi peshë është i një rëndësie të veçantë dhe është e padiskutueshme në shërimin e sëmundjes.

Parandalimi:

• Këshillat dietike dhe të mënyrës së jetesës mund të aplikohen edhe nga pesona që nuk vuajnë nga GERD. Kjo mund të ndihmojë në parandalimin e kësaj sëmundje.
• GERD nuk mund të parandalohet plotësisht por evidentimi i komplikacioneve të tij është i rëndësishëm në kurimin e sëmundjes që në stadet më të hershme.




KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.