Kanceri i Ezofagut

• Carcinoma skuamoze – e cila fillesën e ka nga qelizat e ezofagut.
• Adeno carcinoma – e cila fillesën e ka nga qelizat e stomakut.

Ankesat:

• Vështirësi në kalimin e ushqimit (disfagia) si me ushqimet e forta, po ashtu dhe me ato të lëngëta.
• Mungesë oreksi.
• Rënie në peshë.
• Dhimbje gjatë kalimit të ushqimit nëpër ezofag (odynofagia).
• Dhimbje gjoksi, në disa raste e përhapur edhe në shpinë.
• Humbje e zërit si pasojë e paralizës së kordave të zërit.
• Kollë dhe pneumoni.
• Ngjirje të zërit.
• Lemzë.

Diagnoza:

• Gastroskopi me biopsi, e cila është e pazëvëndësueshme për diagnozën e këtij kanceri.
• Analiza laboratorike:
  
  • Gjak komplet.
  • Bilirubinë direkte / totale, SGOT, SGPT, ALP.
  • Azotemi, kreatinemi.
  • INR.
  • Gilcemi.
  • Fibrinogjen.
  • Proteinë totale.
  • Albuminemi.
  • PCR.
  • Sideremi, ferritinemi.
  • PCR, LDH.
  • CEA, AFP, Ca19-9.
• Skaneri (CT) i kraharorit dhe i abdomenit.
• Eko-endoskopi (EUS) me rezolucion të lartë, e rëndësishme për të parë sa i shtrirë është tumori në shtresën e murit të ezofagut dhe në gjëndrat përreth. Kjo tek ata të sëmurë që janë kandidatë për ndërhyrje kirurgjikale.
• Tomografi me emetim të pozitroneve (PET), e cila ndihmon në identifikimin e metastazave në distancë nga ezofagu.

Trajtimi:

Trajtimi i të sëmurit nga ky lloj kanceri është kompleks dhe interdisiplinor, që do të thotë se trajtimi bazohet në konsulta të zgjeruara me pjesëmarrjen e disa specialiteteve.

• Ndërhyrja kirurgjikale.
• Kimioterapia.
• Radioterapia para ose pas operacionit.
• Për rastet tepër të avancuara aplikohet trajtim endoskopik palliativ (jo radikal, por lehtësues):
  • Zgjerimi endoskopik.
  • Lazeri endoskopik(ND-YAG).
  • Koagulimi me argon plazma.
  • Rezeksioni mukozal endoskopik (EMR).
  • Diseksioni submukozal endoskopik (ESD).
  • Terapia me fotodinamikë (PDT).
  • Vendosja endoskopike e stentëve plastikë ose metalikë.

Parandalimi:

Parandalimi i kancerit të ezofagut, si çdo lloj tjetër kanceri, është pothuajse i pamundur. Faktorët e mëposhtëm që mund të rrisin rrezikun për t’u prekur nga ky lloj kanceri:

• Konsumimi i duhanit dhe i alkoolit.
• Indeksi i masës trupore mbi 30.
• Mos konsumimi i zarzavate.
• Konsumimi i lëngjeve të nxehta.
• Dieta e varfër me selenium dhe zink.
• HPV (human papilloma virus) .

Personat që vuajnë nga sëmundjet e mëposhtme janë më të rrezikuar për t’u prekur nga kanceri i ezofagut, prandaj kontrolli i rregullt mjekësor është shumë i rëndësishëm:

• Personat që vuajnë nga akalazia (pengesa në kalimin e ushqimit).
• Personat që kanë konsumuar lëndë kaustike.
• Personat që vuajnë nga sindromi plummer-winson (një lloj anemie e shoqëruar me vështirësi në gëlltitjen e ushqimit).
• Personat që vuajnë nga një sindromë gjenetike që quhet tylosis (një lloj patologjie e pëllëmbës së dorës dhe e shputës së këmbës).
• Personat që vuajnë nga Sëmundja Celiake (sëmundje e zorrës së hollë që dëmtohet nga moszbërthimi i proteinës së grurit).
• Personat që vuajnë nga ezofagu i Barrett-it (sëmundje që ndodh kur mukoza e ezofagut transformohet në mukozë stomaku).
• Personat që janë operuar nga stomaku.





KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.