Malabsorbimi Primar

• Për shkaqe funksionale, në rastet kur nuk ka një sëmundje të zorrës.
• Për shkak të komponentit nervor, si stresi, i cili luan rol vendimtar në përthithjen e ushqimit.
• Për shkak të transportit jo të mirë të pjesëzave ushqimore (proteina, sheqerorë, yndyra) nga ana e disa elementeve të quajtura enzima transporti. Këto enzima ndodhen në mukozën e zorrës së hollë.

Termi malabsorbim primar i referohet sëmundjeve të zorrës së hollë. Të tilla si:

• Intoleranca nga gluteni apo fruktoza.
• Mungesa e laktozës ose e thënë ndryshe intoleranca nga qumështi.
• Infeksionet e ndryshme parazitare.
• Morbus crohn.
• Enteriti nga radioterapia (dëmtimi i zorrës nga radiacioni, kryesisht i zorrës së hollë).

Ankesat:

• Diarre kronike.
• Fryrje barku.
• Rënie në peshë.
• Dobësi e përgjithshme trupore.
• Anemi e pashpjegueshme.

Diagnoza:

• Vizitë gastro-hepatologjike.
• Gastroskopi me biopsi në zorrën e hollë.
• Kolonoskopi me biopsi.
• Ekografi abdominale.
• Analiza laboratorike:
  • Funksioni hepatik: bilirubinë direkte, bilirubinë totale, SGOT, SGPT, ALP, CRP, LDH, GGT, fibrinogjen.
  • Hormonet e tiroides: TSH, fT3, fT4
  • Anti transglutaminaza indore IgA.
  • Feçe kandida, koprokulturë, feçe parazit, antigen fekal për helikobakter pilori, feçe gjak okult.
  • Feçe për yndyra, feçe për leukocite, feçe për fibra elastike dhe muskulore.

Skaner CT abdominal me kontrast.

Rezonanca abdominale me kontrast (RMI).

Endoskopia retrograde e rrugëve të tëmthit dhe të pankreasit (ERCP).

Kapsulendoskopia (marrja e pamjeve të zorrës së hollë nga një kapsul, që është kamer, e cila gëlltitet dhe filmon).

Pasazh i zorrës së hollë dhe asaj të trashë me lëndë kontrasti të marrë nga goja.

Trajtimi:

• Në disa raste vetë pacienti është në gjendje të përcaktojë ushqimin që i shkakton diarre dhe rrjedhimisht duhet ta shmangë konsumin e tij. Disa shembuj mund të jenë:
  • Qumështi – mund të konsumohet qumësht pa laktozë.
  • Gluteni – mund të konsumohen produkte pa gluten (buka, makarona, pica, birra etj).
• Në varësi të origjinës së sëmundjes vendoset dhe terapia. Mjeku është i autorizuar të vendosë nëse mjekimi kërkon marrjen e suplementeve shtesë. Të tilla si:
  • Enzima të pankreasit.
  • Antibiotikë.
  • Kortizonikë.
  • Ndërhyrje kirurgjikale.
• Konsultimi me mjekun për çdo medikament tjetër që mund të përdorë.

Parandalimi:

Këshillat e mëposhtme mund të ndihmojnë për të parandaluar çrregullimet e ndryshme në jashtëqitje, duke përfshirë këtu edhe diarrenë.

• Evidentimi dhe eliminimi nga dieta i produkteve ushqimore ose i rrethanave që e çojnë në një jashtëqitje diarreike.
• Konsumimi i një diete të ekuilibruar ku përfshihen proteinat, karbohidratet dhe yndyrat.
• Shmangia e stresit, sa të jetë e mundur.
• Shmangia e marrjes pa kriter të medikamenteve për konstipacionin, pasi ato mund të çojnë në një diarre të pakontrolluar.
• Konsulta me mjekun në rastet kur diarrea vazhdon mbi tri javë.

KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.