Koprokultura 💩🧫

Identifikimi i baktereve të rrezikshme gastrointestinale

Kultura e feçes është një analizë laboratorike që ndihmon për të identifikuar bakteret patogjene në zorrë që mund të jenë shkaktarë të diarreve, dhimbjeve abdominale dhe shqetësimeve të tjera të aparatit tretës.

---

Cilat baktere mund të identifikohen? 🔍

Ky test zbulon praninë e mikroorganizmave të dëmshëm si:

• Salmonela,
• Shigela,
• Campylobacter,
• E. coli (disa forma toksike),
• Yersinia enterocolitica,
• Baktere të tjera që nuk janë pjesë normale e florës intestinale.

---

Kur rekomandohet ky test? 🧪

Ky test rekomandohet kur keni simptomat e mëposhtme:

• Diarre të fortë ose të zgjatur
• Gjak në feçe
• Dhimbje barku dhe temperature
• Simptoma të shfaqura pas udhëtimit jashtë vendit

Por, ky test mund të rekomandohet edhe në rast dyshimi për infeksione bakteriale të zorrëve ose si pjesë e check-up-eve për infeksione gastrointestinale, veçanërisht në pacientët me sistem imunitar të dobësuar.

---

Si realizohet analiza? 🧐

Kjo analizë ralizohet me anën e një mostre të jashtëqitjes ose feçes. Mostra e feçes dërgohet në laborator dhe më pas ajo mbillet në pjata specifike petri dhe lihet në inkubim per minimalisht 2 (dy) ditë. Gjatë kësaj kohe terreni vëzhgohet nëse ka apo jo rritje të patogjenëve. Nëse vërehen rritje atëherë kolonitë ri-mbillen në një pjatë tjetër i vendosen disa antibiotikë. Pjata e re lihet edhe 1 (një) ditë shtesë në inkubim për të parë se cili nga antibiotikët ka efektshmërinë më të lartë. Në përfundim të këtij procesi mikrobiologu jep përgjigjen bashkë me antibiogramën. Mjeku klinicist vendos për mjekimin duke u bazuar në këtë përgjigje.

---

Një analizë e thjeshtë që ndihmon për të zbuluar shkaqet e infeksioneve intestinale ✅

Diagnostikimi i hershëm i infeksioneve ndihmon në trajtimin më të shpejtë dhe shmangien e komplikacioneve.

📅 Nëse keni pasur diarre të zgjatur, apo shqetësime të vazhdueshme në zonën e barkut, një check-up që përfshin testin e koprokulturës mund të japë përgjigje të rëndësishme për shëndetin tuaj. 💡

---

📌 Rishikuar nga Dr. Age Hodaj, Mjeke Laboratori, Klinika Kajo

KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.