Hepatiti Kronik, Tipi C

Hepatiti Kronik i Tipit C mund të japë një sërë komplikacionesh afatgjata te pacientët e prekur. Ato më të rëndësishmet janë:

• Cirroza e kompensuar ose e dekompensuar.
• Kanceri i mëlçisë.
• Dëmtimet e veshkave.
• Dëmtimet e enëve të gjakut.

Ju NUK mund ta merrni Hepatitin C nëpërmjet:

• Përdorimit të tualeteve dhe dusheve publike.
• Pishinave publike.
• Djersës apo larjes së rrobave të dikujt me Hepatit C.
• Ndarjes së enëve, pjatave, gotave ose syzeve të dikujt me Hepatit C.
• Ushqimit të gatuar nga dikush me Hepatit C.
• Teshtitjes, kollitjes, puthjes, përqafimit ose qumështit të gjirit.
• Kafshimit të kafshëve ose pickimit të insekteve.

Ankesat:

Hepatiti Kronik i Tipit C konsiderohet shpesh si infeksion i “heshtur”. Kjo sepse personat e infektuar për shumë vite nuk shfaqin ankesa ose shqetësime, deri në momentin kur virusi arrin të dëmtojë mëlçinë në atë shkallë sa shenjat dhe ankesat e sëmundjes janë të pashmangshme. Ankesat më të zakonshme janë:

• Lodhje.
• Humbje e oreksit.
• Gjakderdhje më e lehtë kur ka dëmtime ose çarje të lëkurës.
• Nxirje ose mavijosje më e lehtë nëpër gjymtyrë kur ka dëmtime, goditje ose shembje.
• Zverdhje e lëkurës dhe e syve.
• Urinë me ngjyrë të errët.
• Kruajtje e lëkurës (prurit).
• Ënjtje të këmbëve.
• Rënie në peshë.
• Grumbullim i ujit në bark (ascit).
• Konfuzion, përgjumje dhe e folur jokoherente.
• Dhimbje e muskujve, e kyçeve dhe e kockave.
• Të përziera ose të vjella.

Diagnoza:

Hapi i parë është vizita gastro-hepatologjike (çdo gjashtë deri në dymbëdhjetë muaj). Bazuar në ankesat, ecurinë e këtyre ankesave, historikun e jetës dhe historikun shëndetësor të familjes, mjeku specialist harton planin e ekzaminimeve laboratorike dhe instrumentale, për të vendosur shkallën e infeksionit dhe inflamacionit.

Ekzaminime:

• Ekografi abdominale.
• Elastografi e mëlçisë.
• Biopsi e mëlçisë (nëse rekomandohet nga mjeku gastro-hepatolog).



Analiza:

• Gjak komplet.
• Urinë komplet.
• SGOT, SGPT.
• GGT.
• Bilirubinë totale, bilirubinë direkte.
• INR, niveli i protrombinës.
• Fibrinogjen, ALP.
• Albuminemi, proteinë totale.
• Azotemi, kreatinemi.
• Glicemi, Hb1Ac.
• Lipidogramë.
• PCR, LDH.
• Uricemi.
• AgHBs.
• Anti HBc-IgM, AgHBe, Anti HBe.
• Anti HCV.
• HCV-RNA.
• Genotipi i virust C.
• HIV 1-2.



Trajtimi:

• Trajtimi me medikamente antivirale është shumë efektiv në 90% të rasteve dhe arrin të shërojnë infeksionin. Kohëzgjatja e trajtimit varet nga genotipi i Hepatitit që ka pacienti.
• Është e domosdoshme kryerja e analizave të gjakut gjatë trajtimit, për të parë ecurinë e mjekimit.
• Po kështu kryerja e analizave të gjakut menjëherë pas mjekimit.
• Ekzaminime instrumentale të përsëritura 12 deri në 24 javë pasi mjekimi të ketë përfunduar.
• Ruajta e një ekuilibri ushqimor dhe jetësor të shëndetshëm, duke shmangur alkoolin, duhanin, yndyrat shtazore dhe stresin.

Parandalimi:

• Shmangni marrjen e gjakut në vende që nuk i testojnë dhurimet e gjakut.
• Nëse jeni punonjës i shërbimit shëndetësor, gjithmonë ndiqni masat paraprake standarde.
• Mos shkëmbeni shiringa, age ose mjete të tjera të injektimit të drogës.
• Tregoni kujdes kur bëni zgjedhjen e studios së tatuazheve ose të shpimit për vathë. Sigurohuni që janë profesionistë të liçensuar dhe që përdorin gjilpëra të reja për çdo klient.
• Mos shkëmbeni furçat e dhëmbëve ose brisqet.
• Përdorni gjithmonë prezervativ nëse keni më shumë se një partner seksual.

Kujdes!!! Nëse në të kaluarën keni qenë i diagnostikuar me Hepatit C dhe jeni kuruar, ju përsëri mund të infektoheni nga virusi i Hepatitit C. Personat e prekur nga Hepatiti C, duhet të vaksinohen gjithashtu edhe për Hepatitin A dhe B.

KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.