Feçe Gjak Okult 💩🩸🔍

Testi i feçes për gjak okult përdoret për të zbuluar prani të gjakut të padukshëm në jashtëqitje dhe për të ndihmuar në zbulimin e hershëm të sëmundjeve të zorrës.

---

Çfarë është Feçe gjak okult? 🤔

Feçe gjak okult është një analizë laboratorike që synon të zbulojë prani të gjakut, të padukshëm me sy të lirë, në jashtëqitje. Ky lloj gjaku mund të vijë nga:

• Zorra e trashë ose rektumi;
• Polipet;
• Ulçerat;
• Kanceri i zorrës së trashë.

Testi është jo-invaziv, i lehtë për t’u kryer dhe mund të ndihmojë në zbulimin e hershëm të kancerit të zorrës së trashë.

---

Pse rekomandohet ky test? 🩺

Mjeku mund të rekomandojë feçe gjak okult për:

• “Screening”, check-up ose kontroll të hershëm për kancerin e zorrës së trashë, veçanërisht pas moshës 45 vjeç.
• Zbulimin e hemorragjive të fshehta që mund të jenë shenjë e:
  • Polipeve;
  • Ulçerave;
  • Sëmundjeve inflamatore të zorrës;
  • Divertikulozës;
  • Tumoreve.

📌 Mund të përdoret edhe si pjesë e kontrollit vjetor për pacientët me rrezik më të lartë për kancer të zorrës së trashë.

---

Si realizohet testi? 🧾

Ky test kryhet duke analizuar një mostër të jashtëqitjes 💩. Disa ditë përpara testit mund të kërkohen disa udhëzime specifike, të cilat përfshijnë:

• Mos konsumin e mishit të kuq dhe të disa frutave dhe perimeve me ngjyrë të kuqe.
• Ndërprerjen e përkohshme të aspirinës dhe/ose disa anti-inflamatorëve. Por kjo është dicka që duhet diskutuar me mjekun që ka dhënë terapinë, pasi ndërprerja e këtyre medikamenteve mund të shkaktojë probleme të tjera.

Për më shumë informacion mbi përgatitjen për kryerjen e këtij testi ju lutem konsultohuni me udhëzimin teknik për analizat e feçes.

---

Çfarë tregojnë rezultatet? 📊

🟢 Negativ (pa gjak) → nuk është zbuluar gjak i fshehtë.

🔴 Pozitiv (prani gjaku) → duhet ndjekur me kolonoskopi ose ekzaminime të tjera për të gjetur shkakun.

⚠️ Prania e gjakut nuk do të thotë gjithmonë se keni kancer – por është një shenjë që kërkon hetim të mëtejshëm me ekzaminime të tjera.

---

🌟 Një test i rëndësishëm për shëndetin e zorrës

Testi i feçes gjak okult është i thjeshtë, jo-invaziv dhe shumë i vlefshëm për zbulimin e hershëm të sëmundjeve të zorrës, përfshirë kancerin e zorrës së trashë.

📅 Nëse jeni mbi 45 vjeç ose keni histori familjare të kancerit të zorrës të trashë, planifikoni një check-up në Klinika Kajo. Parandalimi fillon me një hap të thjeshtë!

---

📌 Rishikuar nga Dr. Age Hodaj, Mjeke Laboratori, Klinika Kajo

KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.